მარწყვის ღვეზელი
საჭირო ინგრედიენტებია:

ცომისთვის: 25 გრამი საფუარი, 100 მილილიტრი თბილი რძე, 70 გრამი შაქრის ფხვნილი, ცოტა მარილი, 1 კვერცხი, 300 გრამი ფქვილი, 50 გრამი კარაქი.

შიგთავსისთვის: 150 გრამი მარწყვის ჯემი, 100 გრამი ცოცხალი მარწყვი, 200 გრამი ფქვილი, 100 გრამი კარაქი, 100 გრამი შაქარი.

მომზადების წესი: საფუარი გაადნეთ თბილ რძეში. ჩაუმატეთ შაქარი, ცოტა მარილი, გათქვეფილი კვერცხი. ნელ-ნელა შეურიეთ ფქვილი და ზეთი. მოზილეთ ფხვიერი ცომი. გააჩერეთ 1 საათის განმავლობაში თბილ ადგილზე. ერთხელ გადაზილეთ და კიდევ ნახევარი საათით გააჩერეთ.

გააბრტყელეთ ცხიმწასმულ ტაფაზე. მარწყვის ჯემი მთელ ზედაპირზე წაუსვით და ზემოდან დააფინეთ შუაში გაჭრილი მარწყვები.

ფქვილი და კარაქი კარგად აკეპეთ ერთმანეთში (კარაქი წინასწარ კარგად გააცივეთ), შემდეგ შეურიეთ შაქარი და აზილეთ. გააფხვიერეთ და მოაყარეთ ნამცხვარს. გამოაცხვეთ და თბილივე დაჭერით.