ამერიკული ნაციონალური საკალათბურთო ლიგის ფრანგ ვარსკვლავ ტონი პარკერს ცოლად ყველაზე ცნობილი „სასოწარკვეთილი დიასახლისი“ – ევა ლონგორია ჰყავს. წყვილმა აგერ უკვე სამი წელია, იქორწინა, მაგრამ, რად გინდა, შვილი ჯერაც არ ჰყავთ. ახლა ირკვევა, რომ ამის მიზეზი არა ტონი ან ევა, არამედ ის კონტრაქტია, რომელიც ლონგორიას კინოსტუდიასთან ჰქონია დადებული.

„კონტრაქტში წერია, რომ ვადის გასვლამდე ევა არ უნდა დაფეხმძიმდეს, თორემ ჯარიმის სახით ხუთ მილიონ დოლარს გადაიხდის. ამიტომ, არ ვჩქარობთ. კონტრაქტს ვადა ერთი წლის შემდეგ გასდის და ევა ახალი ხელშეკრულების გაფორმებას აღარ აპირებს, არადა, შეთავაზება აქვს. ჩვენ შვილი გვინდა“, – განაცხადა პარკერმა და ალბათ, დროც არის, 35 წლის ევამ ბავშვი გააჩინოს.

რაც მთავარია, წყვილმა აღნიშნა, უკვე მივხვდით, რომ ბავშვის ყოლისთვის მზად ვართო.