“არტ ფეისი„ და დადუ – “თბილისი ცენტრალში„
25 ივნისს, საღამოს, ახლად გახსნილ „თბილისი ცენტრალში“ ძალიან ლამაზი, ფერადი და სასიამოვნო სანახაობა შედგა. სამოდელო სააგენტო „არტ ფეისმა“ სწორედ იქ გადაწყვიტა თავისი სკოლა-სტუდიის ბავშვების ჩვენების გამართვა. პატარა მოდელებს ულამაზესი და, როგორც ამ დიზაინერს სჩვევია, მხოლოდ ფერადი კოსტიუმები, დადუმ მოარგო. ჩვენების პარალელურად მოხდა იმ გოგონების შერჩევა, რომლებიც სააგენტოს ძირითად შემადგენლობაში ჩაირიცხნენ და ამიერიდან სხვადასხვა ჩვენებაზე ქართველი დიზაინერების კოლექციებს წარმოადგენენ. ჟიურიში, რომელმაც ეს მშვენიერი გოგონები აარჩია, იყვნენ: ბიჭოლა, ნინო ცქიტიშვილი, თამუნა ამონაშვილი, გია ჯაჯანიძე, თავად დადუ, „არტ ფეისის“ პრეზიდენტი ზვიად აბესაძე, დიზაინერი მანანა ანთელიძე. ჟიურის წევრებმა გოგონები ერთხმად აირჩიეს.