ანეგდოტები
***
მასწავლებელმა სკოლაში მამა დაიბარა:
– გთხოვთ, ყურადღება მიაქციოთ‚ ვინ ასწავლის თქვენს შვილს ასეთ უზრდელურ სიტყვებს....
– რავი‚ მაგის დედაც... ვინ ჩემი... ასწავლის!..
***
– ბიჭო‚ სიდედრს ვერაფერი მოვუხერხე‚ აღარ მუშაობს‚ საქმეც არაფერი აქვს‚ ყოველკვირა ჩვენთანაა და შემჭამა...
– მაგ საქმეს მოევლება‚ მთავარია, საკითხს შემოქმედებითად მიუდგე. მე‚ მაგალითად‚ ისეთი საჩუქარი მივართვი... მოკლედ‚ ჩემი სახლის გზა დაავიწყდა‚ დავისვენე...
– ასეთი რა უყიდე?
– საყარაულო „ავჩარკა“ მივუყვანე.
– მერე?
– ისეა გაწვრთნილი‚ სახლიდან არავის უშვებს...
***
აღფრთოვანებული მამაკაცი მხატვრული ტილოს წინ დგას‚ რომელსაც მთელი კედელი უკავია.
– გეტყობათ‚ თქვენც მეტად ამაღლებული გრძნობები დაგეუფლათ... – გამოელაპარაკა მეორე დამთვალიერებელი.
– აი‚ ვფიქრობ‚ ორი ვედრო საღებავი ეყოფოდა თუ არა ამ საქმეს...
***
ყველა დედას აქვს იმედი‚ რომ მისი ქალიშვილი მასზე უფრო წარმატებულად გათხოვდება და ბედნიერიც იქნება‚ მაგრამ, არც ერთი დედა არ ფიქრობს‚ რომ მისი ვაჟი უკეთეს ცოლს მოიყვანს, ვიდრე მამამ მოიყვანა.