კარტოფილი ბერძნულად

საჭირო ინგრედიენტებია: 600 გრამი კარტოფილი, 3 სადილის კოვზი ზეთი, 1 კონა კამა, 2 კბილი ნიორი. მარილი, შავი პილპილი – გემოვნებით.

მომზადების წესი: ნიორი გაარჩიეთ და ძალიან წვრილად დაჭერით. გარეცხეთ კამა და ისიც ძალიან წვრილად დაჭერით. აურიეთ ერთმანეთში ზეთი, ნიორი, კამა, მარილი და შავი პილპილი. კარტოფილი გათალეთ და დაჭერით თხელ რგოლებად. მოასხით ნივრიან-მწვანილიანი სოუსი და კარგად აურიეთ. გააჩერეთ ნახევარი საათი.

გააცხელეთ ჰაერღუმელი 180 გრადუსზე და კარტოფილი ოცი წუთი მოათავსეთ ცხელ ჰაერღუმელში. კარგად რომ დაიბრაწება, გამოიღეთ და მიირთვით ტყემალთან ერთად.