სიუზან ფილკენშტეინი ამერიკელი ქალბატონია. იგი 44 წლის გახლავთ და ორ შვილსაც ზრდის. ჰოდა, ეს ქალი დიდ შარში გაეხვა: ერთ-ერთ სოციალურ ფორუმზე მან განცხადება განათავსა, სადაც წერდა, რომ ბეისბოლის ერთი კონკრეტული მატჩის ბილეთის სანაცვლოდ, მზად იყო, ნებისმიერ მსურველთან ერთი საათით სექსით დაკავებულიყო. მის მობილურზე შეტყობინება მალე მივიდა და მსურველმა იგი შეხვედრაზე დაპატიჟა. სიუზანი შეხვედრაზე მივიდა, კაცს სასტუმროშიც აჰყვა, გაიხადა და... კავალერმა პოლიციის მოწმობა „დააძრო“ და უთხრა, რომ ფილკენშტეინი ეჭვმიტანილია ინტერნეტით პროსტიტუციის პოპულარიზაციაში. რა თქმა უნდა, სასამართლო დაინიშნა და სიუზანი იქ ქმართან და შვილებთან ერთად მივიდა.

„ჩემი მეუღლე მეძავი არ არის. მეც სიამოვნებით დავკავდებოდი ვინმესთან სექსით, თუ ბილეთებს მომცემდნენ და ამაში ცუდს ვერაფერს ვხედავ“, – ეს სიტყვები ფილკენშტეინის ქმარს ეკუთვნის.

სასამართლომ ქალს ჯარიმაც კი არ დააკისრა – აქაოდა მას პროსტიტუციის პოპულარიზაცია კი არა, ბილეთები სურდაო და ახლა ამერიკული საზოგადოება იმას არჩევს, სწორად მოიქცნენ თუ არა მოსამართლეები. ძირითადი მასის აზრით, სასამართლოს სიუზანი უნდა დაესაჯა.