ელიზაბეტ კანალისი ის ქალია, ვინც, თავის დროზე, ფეხბურთის, პრაქტიკულად, ყველა ვარსკვლავი მოხიბლა და მოსინჯა. ახლა კი ამერიკელ მსახიობს, ჯორჯ კლუნის ხვდება. სანამ მის თავს დატრიალებული სკანდალის შესახებ გამცნობთ, შეგახსენებთ, რომ კანალისის საყვარლებისგან გაკეთებული „სიმბოლური“ ნაკრები მსოფლიოში ერთ-ერთი უძლიერესია. იმასაც ამბობენ, ამ ბიჭებმა ერთად რომ ითამაშონ, ჩემპიონთა ლიგასაც მოიგებენო. თუმცა, როგორც ჩანს, „ის ბიჭები“ ჯერჯერობით მხოლოდ კანალისის გულისა და კიდევ სხვა რაღაცეების მოგებით დაკმაყოფილდნენ.

მოკლედ, ამერიკულმა მედიამ დაწერა, რომ ცნობილი მსახიობი – ჯენიფერ ენისტონი და როკის ლეგენდა იგი პოპი ერთი და იგივე სახეა კანალისთვის. უფრო მეტიც, ჟურნალში წერია, ენისტონს რომ წვერი ჰქონდეს, პოპისგან არაფრით განსხვავდებოდაო. ამან ჰოლივუდის ერთ-ერთ სექსსიმბოლოდ აღიარებული ენისტონი გააცოფა და ელიზაბეტს სულ ქუჩის ქალი უძახა. როგორც ჩანს, კანალისმა უკან დახევა ამჯობინა.

„არ ვიცი, საიდან მოიტანეს ჟურნალისტებმა, რომ თითქოს მე ასეთი რამ ვთქვი. მათი შედარება აზრადაც არ მომსვლია. უბრალოდ, აღვნიშნე, რომ პოპი და ენისტონი ერთ ფილმში თუ ითამაშებდნენ, თავისუფლად შეეძლოთ მამა-შვილის როლი შეესრულებინათ“, – განაცხადა კანალისმა და ვგონებ, ჯენიფერი კიდევ უფრო გააბრაზა.