კოლინა 5 ათასად
ყაზახეთში ახალი სტადიონი იხსნება და საზეიმო ცერემონიალი მართლაც რომ პომპეზური გამოვა. ფეხბურთის ადგილობრივმა ფედერაციამ გადაწყვიტა, რომ გახსნით მატჩში ადგილობრივმა „ლოკომოტივმა“ და ყაზახეთის ახალგაზრდულმა ნაკრებმა ითამაშონ, მაგრამ ყველაზე საინტერესო ის არის, რომ შეხვედრას პიერ-ლუიჯი კოლინა განსჯის.
„წელიწადზე მეტია, რაც სასტვენი ხელში არ ამიღია. ბოლოს საჩვენებელ შეხვედრაში იტალიაში ვუსტვინე. ახლა, როცა ყაზახეთიდან დამიკავშირდნენ, სიხარულით დავთანხმდი. მეტიც, ასტანაში ჩასვლას მეუღლესთან ერთად ვაპირებ და იქ რამდენიმე დღეს დავრჩები. ყაზახურმა მხარემ მითხრა, რამდენიც გინდა, მოითხოვე და ვიხდითო. გრანდიოზული მოთხოვნა არ მაქვს. როგორც წესი, ევროპიდან სხვა ქვეყანაში მსაჯის მიწვევა 5 ათასი ევრო ჯდება და მეც ამ თანხას დავთანხმდები“, – განაცხადა კოლინამ.