აგენტიც ასეთი უნდა
ვეტერანი რუმინელი ფეხბურთელის, ამჟამად მწვრთნელის ლაურენტინო რეგეკამპფის ყოფილმა ცოლმა ანა-მარია პროდანმა ძალების მოსინჯვა საფეხბურთო სფეროში გადაწყვიტა და ფიფას ლიცენზირებული აგენტი გახდა. იმის მიუხედავად, რომ ანა-მარია ცდას არ აკლებდა, ფეხბურთელთა გულების მონადირება ვერ შეძლო და გადაწყვიტა, თავისი 40 წელს მიტანებული სხეული გამოეფინა და „ფლეიბოიში“ ფოტოსესიაც მოიწყო.
„იმედია, ფეხბურთელები ახლა მაინც მიაქცევენ ყურადღებას იმას, რომ ჩემთან მუშაობა სასარგებლოსთან ერთად სასიამოვნოც იქნება. მეეჭვება, მსოფლიოში ჩემზე მომხიბვლელი აგენტი არსებობდეს და თუ ჩემს ასაკსაც გავითვალისწინებთ, მგონი, ურიგო ფორმაში არ ვარ“, – განაცხადა ანა-მარიამ და ამბობენ, ამ ფოტოების გამოქვეყნების შემდეგ მას რიგი დაუდგებაო, თუმცა იმას კი აღარ აკონკრეტებენ, რის გამო ჩადგებიან რიგში ფეხბურთელები.