თინა კანდელაკი ისევ ავარიაში მოყვა
როგორც რუსული შოუ-ბიზნესის კულისებში ხუმრობენ, თინა კანდელაკი საგზაო ავარიების კოლექციას აგროვებს. მას მართლაც ძალიან ბევრჯერ მოუხდა ავარია, რომელთაგანაც, ზოგიერთმა საერთაშორისო სკანდალიც კი გამოიწვია. ერთი სიტყვით, სულ ცოტა ხნის წინ, თინა კანდელაკი, რუბლიოვკაზე, თავისი „აუდი ქუ7-ით“ დაეჯახა „ლექსუსს“. ცნობილია, რომ ის არასდროს სარგებლობს მძღოლის მომსახურებით და ყოველთვის თავად მართავს ავტომობილს. მართალია, თვითონ იოლად – მხოლოდ გაკაწვრით გადარჩა, მაგრამ „ლექსუსი“ საკმაოდ სერიოზულად დააზიანა.
თინა კანდელაკი: „ეს უამინდობისა და ცუდი ხედვის მიზეზით მოხდა. ზუსტად ამის გამო ვარ „აუდის“ მოყვარული – ის არასდროს მღალატობს და ნებისმიერი მსგავსი სიტუაციიდან ძალიან იოლად გამოვდივარ“.