სულ ცოტა ხნის წინ ჩვენი ჟურნალის ერთ-ერთ ნომერში, ულამაზესი ლიკა ევგენიძე მკითხველს უყვებოდა იმაზე, თუ როგორ სულმოუთქმელად ელოდებოდა პირველი შვილის დაბადებას. მის ამბებს სისტემატურად ვიგებდით, თუმცა, ანა-სოფია (სწორედ ასე დაარქვეს პატარა ქალბატონს, რომელიც უკვე ამერიკის მოქალაქეა), სულაც არ ჩქარობდა და დედიკოს მუცელში თავს მშვენივრად გრძნობდა. ერთი სიტყვით, ის ქვეყანას 25 მაისს მოევლინა, თავს დედიკოსთან ერთად გადასარევად გრძნობს და თბილისში ჩამოსასვლელად ემზადება. როგორც იცით, ლიკამ ამერიკაში იმშობიარა. ვულოცავთ წყვილს ულამაზესი პატარას დაბადებას და უდიდეს ბედნიერებას ვუსურვებთ მთელ ოჯახს.