25 მაისს კინოთეატრ „რუსთაველში“ მომღერალ პაატა თედიაშვილის ახალი კლიპის პრეზენტაცია შედგა. კლიპი ძველი და კარგად ნაცნობი სიმღერის ახლებურ ინტერპრეტაციაზე იქნა გადაღებული. სულხან ცინცაძის „რა მადლიანად ანათებს“ პაატა თედიაშვილმა რემიქსის სტილში გააკეთა, რომლის არანჟირება პაატა ფაცურიას ეკუთვნის. კლიპის რეჟისორია გოგა დადუნაშვილი. ეს არის ქართულ ტრადიციებზე გადაღებული, ნახევრად ჰეროიკული ზღაპარი, რომელიც საქართველოს ყველა კუთხეს მოიცავს და აერთიანებს. როგორც პაატა ამბობს, დამოუკიდებლობის დღის წინ სწორედ ასეთი სიმღერები და კლიპები სჭირდება საქართველოს, რათა კიდევ ერთხელ გაიხსენოს, რის ფასად მოვიპოვეთ დამოუკიდებლობა.