მსუბუქ წონაში მსოფლიოს ჩემპიონი მოკრივე, ესპანელი ჯო კალზაგე სამშობლოში ერთ-ერთ ყველაზე სასურველ სასიძოდ ითვლება, მაგრამ, რად გინდა – ესპანელ ქალებს პირში ჩალა დამწყებმა რუსმა მოდელმა – კრისტინა რიჰანოფმა გამოავლო. გოგონამ კალზაგე ღამის ბარში ორი თვის წინ გაიცნო და, მოკრივე იმდენად მოიხიბლა, სხვა ქალებს ვინ ჩივის, ჯომ ვარჯიშიც შეწყვიტა და კრისტინასთან ერთად განცხრომას მიეცა.

„არ ვიცოდი, რომ ის მოკრივე იყო და მინდა, მას თავი დაანებოს. არანაირი სურვილი არ მაქვს, საყვარელი მამაკაცი სახლში ნაცემი მოვიდეს“, – აცხადებს კრისტინა და ახლა ვარაუდობენ, რომ კალზაგე ქალის გამო უარს არც კარიერის ნაადრევად დასრულებაზე იტყვის.

შეგახსენებთ, რომ კიდევ ერთი ცნობილი ესპანელი მაჩო – ენრიკე იგლესიასი, ანა კურნიკოვას მახეშია გაბმული.