მომღერალი, რომელიც „რეალითი შოუს“ წყალობით ძალიან მალე გახდა ცნობილი საბერძნეთში, უკვე პირველ სოლო ალბომზე მუშაობს. ალბომი ბერძნულ და ინგლისურენოვანი სიმღერებით დაკომპლექტდება. ალბომის მთავარი სიმღერა, ასე ვთქვათ, სავიზიტო ბარათი სწორედ ის ემოციური და ცრემლისმომგვრელი სიმღერა იქნება, რომელიც ნინიმ „იქს-ფაქტორის“ ფინალურ შოუზე იმღერა და ყველა იმ ადამიანის მხარდაჭერა მოიპოვა, რომელიც ამ შოუს არა მხოლოდ საბერძნეთის მასშტაბით უყურებდა. მოგეხსენებათ, რომ „იქს-ფაქტორი“ ევროპის ბევრ ქვეყანაშია პოპულარული. აღსანიშნავია, რომ ეს სიმღერა უკვე ძალიან ცნობილია მთელ საბერძნეთში და რადიო ტალღებზეც აქტიურად ტრიალებს, რაც ნინისა და მისი შემოქმედების მოყვარულებს, მართლა ძალიან ახარებთ. კიდევ ერთხელ ვულოცავთ ნინის წარმატებას და ვუსურვებთ, რომ ალბომის მილიონობით ეგზემპლარი გაყიდოს.