17 მაისს „მაგთი კლუბში“ უცნაური ფოტოგამოფენა გაიხსნა, რომელიც ორი საინტერესო ფოტოგრაფის – თათა მეტივიშვილისა და ქეთა ღვინეფაძის „ფოტოტილოებს“ მასპინძლობდა. ამ ბოლო დროს ფოტოგრაფიით განებივრებულები ვართ, მაგრამ ფოტო გადატანილი ტილოზე, ეს რაღაც უცნაური და ახალი იყო და მნახველთა დიდი დაინტერესება გამოიწვია. აღსანიშნავია, რომ თათა მეტივიშვილის რამდენიმე ფოტოზე, ცნობილი, ექსცენტრიკული და ძალიან უცნაური მომღერალი ქეთი ორჯონიკიძე სრულიად განსხვავებულ „ობრაზში“ იყო აღბეჭდილი. ერთიანობაში საკმაოდ შთამბეჭდავი სანახაობა გამოვიდა და იმ ოთხი დღის განმავლობაში, სანამ გამოფენა გრძელდებოდა, „მაგთი კლუბმა“ უამრავი დამთვალიერებელი მიიღო.