შეუძლია, თუ არა მამაკაცს, გაუგოს ქალს?! – რა თქმა უნდა, შეუძლია. მთავარია, მას ამისი სურვილი ჰქონდეს. ნებისყოფა და მოთმინების უნარი, ხომ ძლიერ სქესს გაცილებით მეტად აქვს განვითარებული, ვიდრე ქალბატონებს. მათი თვითშეფასების კრიტერიუმიც სხვანაირია. ქალი იშვიათად არის კმაყოფილი თავისი გარეგნობით, მიღწევებით, წონით, შემოსავლით. მამაკაცების უმრავლესობას კი, ნაკლებად აწუხებს მსგავსი პრობლემები. ანუ, მამაკაცი უფრო ხშირად არის კმაყოფილი საკუთარი თავით, ვიდრე ქალი.

მამაკაცებს სხვა ფასეულობები აქვთ. თუ ქალს უნდა, რომ იყოს მომხიბვლელი, მამაკაცისთვის პრიორიტეტი მისი ფინანსური მდგომარეობაა. ეს თანდაყოლილი ინსტინქტია. მდედრმა უნდა მიიზიდოს მამრი, რომ გაამრავლოს შთამომავლობა. მამრმა კი ისინი უნდა გამოკვებოს. ამიტომაც არის, რომ მამაკაცები საკმაოდ იშვიათად ფიქრობენ და ზრუნავენ საკუთარი სხეულის სილამაზეზე.

კიდევ ერთი, საკმაოდ საინტერესო ფაქტი: იცით, როგორია მამაკაცების დამოკიდებულება საკვების მიმართ? ძლიერი სქესის ყველა წარმომადგენელი თავისი შინაგანი ბუნებით მონადირეა. ცივილიზაციის გარიჟრაჟზე, მათ არ ჰქონდათ საშუალება ხშირად ეჭამათ. ამიტომაც, მამაკაცი ჭამს ბევრს და ძირითადად მაღალკალორიულ საკვებს ირჩევს. თანაც როცა გაძღება, კეთილი და კმაყოფილია. ქალი ვერასოდეს მიიღებს ისეთ სიამოვნებას საკვებისგან, როგორსაც იღებს მამაკაცი. მიეცით საშუალება თქვენს საყვარელ მამაკაცს, იგრძნოს სიამოვნება. ნუ შესთავაზებთ ხშირად დაბალკალორიულ იოგურტს და ყველის სალათას. ნუ გამოსცდით მის მოთმინებას ბოროტად. ამით მხოლოდ საკუთარ თავს დააზარალებთ.