მართალია, კარლოს ტევესი „მანჩესტერ სიტის” ღირსებას, სულ რაღაც ერთი სეზონია, რაც იცავს, მაგრამ გულშემატკივართა სიყვარული უკვე მოიპოვა და გასულ კვირას მასთან დაკავშირებით საინტერესო განცხადება ცნობილი ჯგუფის, – „ოაზისის” ლიდერმა ნოელა გალაჰერმა გააკეთა.

„მე და ჩემი მეუღლე ბავშვს ველოდებით, მაგრამ, ჯერ არ ვიცით, ბიჭი იქნება თუ გოგო. გადავწყვიტე, თუ ბიჭი შეგვეძინება, ტევესის პატივსაცემად დავარქვა სახელი, თუმცა, არ ვიცი, რომელი ავირჩიო, რადგან არგენტინელის სახელიც მომწონს და გვარიც. ჩემი შვილი ან კარლოს გალაჰერი იქნება, ან ტევეს გალაჰერი, ეს გადაწყვეტილია“, – განაცხადა ნოელმა. ახლა მთავარია, ბიჭი დაიბადოს.