ვენესუელელი მოდელი აიდა იესეპიცა, აგერ უკვე მერამდენე წელია, იტალიაში ცხოვრობს და დიდი პოპულარობითაც სარგებლობს. გარდა იმისა, რომ აიდა პოდიუმზე დანარნარებს, იტალიის ნაკრების ფეხბურთელისგან, მატეო ფერარისგან შვილიც გააჩინა, მაგრამ, რად გინდა – მიმდინარე სეზონის დაწყებამდე მატეო თურქულ „ბეშიქთაშში” გადავიდა და იესეპიცამ იქ წასვლა იუარა. შედეგად, ისინი ერთმანეთს დაშორდნენ და აიდამაც სხვა „თავშესაფრის” ძიება დაიწყო.

პირველი წარუმატებელი მცდელობის შემდეგ, აიდამ ნამდვილი სიყვარული იპოვა და რომანი ბიზნესმენ სტეფანო რიკუჩისთან გააბა. როგორც კი, ეს ამბავი გაიგო, ფერარი დაიმუქრა, იტალიაში რომ დავბრუნდები, რიკუჩი მიფრთხილდესო. ბიზნესმენმაც თავი დაიზღვია და იესეპიცასთან ერთად დასასვენებლად მალდივის კუნძულებზე გაემგზავრა. ქალმა თან ფერარის შვილიც წაიყვანა და ამან მატეო სულ გადარია, მაგრამ თავს ზემოთ ძალა არ არის – იესეპიცა ახლა „ფერარის” აღარ მართავს.