ფესტივალ „ქართული სულის“ ფარგლებში 12 მაისს, ლეგენდარული „ქართული ხმების“ კონცერტი გაიმართა. კონცერტზე „ქართული ხმების“ სამი თაობის მომღერლები მონაწილეობდნენ, რამაც დამატებითი ხიბლი შესძინა მთელ ღონისძიებას. გარდა „ქართული ხმებისა“, კონცერტში მონაწილეობას იღებდნენ – ნეკა სეფისკვერაძე, ბორის ბედია, ეკა მამალაძე და სხვები. მაყურებელმა საოცარი ოვაციებით დააჯილდოვა უფროსი თაობის „ქართული ხმების“ სცენაზე გამოჩენა და ტაში დიდხანს არ გაჩერებულა. ფესტივალი გრძელდება და მთელი თბილისი უკვე ირმა ნიორაძის მოლოდინშია, რომელიც ქართულ დასთან ერთად სპექტაკლ „შეჰერაზადას“ პრემიერას იცეკვებს.