დიეგო მარადონა მოუსვენარი კაცია და გამორიცხულია, ისეთი რამ არ გააკეთოს, მედიის ყურადღების მიღმა ხანგრძლივად დარჩეს. არგენტინის ნაკრების მთავარმა მწვრთნელმა ამჯერად საკუთარი გარეგნობის კორექტირებისთვის მოიცალა და წვერის მოშვება გადაწყვიტა. წვერულვაშიანი დიეგო საზოგადოებას ლიბერტადორესის თასზე „ესტუდიანტესსა“ და პერუს „ალიანსას“ შორის მატჩის დროს დაენახვა. სავარაუდოდ, მარადონას ეს გადაწყვეტილება ნოსტალგიურ მომენტს უკავშირდება. წვერს იგი 2004 წელსაც ატარებდა, როცა კუბაში ნარკოტიკული დამოკიდებულებისგან რეაბილიტაციის კურსს გადიოდა. თანაც, წვერი ხომ მარადონას დიდ მეგობარ ფიდელ კასტროს ამშვენებს.