ლიონელ მესის პოპულარობა დღითიდღე იზრდება და თუ არგენტინელმა ფეხბურთელმა ამ დონეზე გააგრძელა ასპარეზობა, მხოლოდ რეკლამებიდან მისი შემოსავალი ას მილიონს „აარტყამს“.

გასულ კვირას ლეომ მორიგი კონტრაქტი გამოაცხო და ხელშეკრულება ჩინურ საავტომობილო კომპანიასთან გააფორმა. ჩინელები არ ამბობენ, რამდენს გადაუხდიან არგენტინელს, თუმცა კი აკონკრეტებენ, რომ კონტრაქტი სამ წელზეა გათვლილი.

„ჩვენი ავტომობილები იაფფასიანია და ფართო მასებზეა გათვლილი. ამიტომ, ლეოს ვერ მოვთხოვთ, რომ მუდმივად ჩვენი მანქანით იაროს – მაგრამ, მას ვალდებულება აქვს აღებული, ავტოფარეხში ჩვენი მარკის ავტომობილი ჰყავდეს“, – აცხადებენ ჩინელები.

მსოფლიოს ჩემპიონატის დაწყებამდე მესის ჩინეთში გადაფრენა და სარეკლამო რგოლის გადაღება მოუწევს.