27 აპრილს, გალერეა „კოპალაში“ ფერწერული ნამუშევრების გამოფენა-გაყიდვა გაიმართა. ექსპოზიცია, სახელწოდებით „თბილისური გაზაფხული“, სახელოსნო „არტ-მარიმ“ გამართა. სახელოსნოს წევრები ახალგაზრდა მხატვრები და სამხატვრო აკადემიის 2010 წლის აბიტურიენტები არიან. „კოპალაში“ სწორედ მათი ნახატები იქნება გამოფენილი. სულ ღონისძიებაში ოცამდე ახალგაზრდა მხატვარი მონაწილეობს, მათ შორისაა, ყოფილი ჯეოსტარელი, ყველასთვის საყვარელი გიორგი მახარაშვილი. გამოფენა საოცარი წარმატებით გაიხსნა და ორ დღეს გაგრძელდა.