გასულ კვირას სასტუმრო „თბილისი მარიოტში“ ხატია შამუგიამ ჟურნალისტები შეკრიბა და ის სიახლეები გააცნო, რომლებიც ქართველ მანდილოსნებს საგაზაფხულოდ ნამდვილად გაახარებს. კერძოდ, „ისი პარიმ“ ისეთი ბრენდები შემოიტანა თავის ქსელში, რომელსაც აქამდე საქართველოში ვერსად შეიძენდით. როგორც ხატიამ აღნიშნა, მას უცხოეთში მეგობრები იმ სუნამოებს აბარებდნენ, რომლებიც იქ ძალზე პოპულარულია და ცნობილი სახეები მოიხმარენ, მაგრამ საქართველოში მისი შოვნა პრაქტიკულად შეუძლებელი იყო. სწორედ, ამიტომ, „ისი პარიმ“ გაითვალისწინა თავისი ერთგული მომხმარებლის გემოვნება და შეეცადა, მათი მოთხოვნა დაეკმაყოფილებინა. მან თავის ქსელში, ლაღი და თამამი მანდილოსნებისთვის შემოიტანა „დეიზი“, მოდური და თავდაჯერებული ქალბატონებისთვის – „ქლოე“, ყველაზე პრეტენზიული, სექსუალური და მოდას აყოლილი სუსტი სქესის წარმომადგენლებისთვის კი – სუნამოების სამყაროში წლის აღმოჩენა, მარკ ჯეიკობსის „ლოლა“. წარმოდგენილი ახალი სუნამოები სწორედაც რომ სექსუალური, ნაზი, საქმიანი და ელეგანტური ქალებისთვის არის გათვლილი. მათი წყალობით თქვენ მეტად სასურველი, თბილი, მიმზიდველი ხდებით საპირისპირო სქესისთვის. ასე რომ, „ისი პარი“ საოცარ არჩევანს გვთავაზობს. მისი მაღაზიების სურნელოვანი პროდუქცია უფრო მიმზიდველებს, საკუთარ შესაძლებლობებში დარწმუნებულებს, შარმიანებსა და სექსუალურებს გაგვხდის.