ნიუ-ჯერსიში პოლიციის კაპიტანმა ვინმე მაიკლ ვენჯელომ 21 წლის ახალგაზრდა, შერი ჰილი უცნაურ ვითარებაში დააკავა. სამართალდამცავმა ჯერ ჰილის მეგობარი დააპატიმრა, რადგან სტადიონზე, „ნიუ-ჯერსისა“ და „ფილადელფიის“ მატჩის დროს წესრიგს არღვევდა და გარდა იმისა, რომ უშვერი სიტყვებით ილანძღებოდა, ტრიბუნებზე მყოფებსაც აწუხებდა. ჰოდა, შერიმ მეგობრის გამოქომაგება უცნაური წესით გადაწყვიტა.

„სტადიონზე ჩემს 11 წლის გოგონასთან ერთად ვიყავი, როცა ორი მეგობრიდან ერთ-ერთი დავიჭირე, ჰილმა მითხრა, თუ არ გაუშვებ, ინანებო. რა თქმა უნდა, წესრიგის დამრღვევი არ გამიშვია და იგი საპატრულო მანქანას განყოფილებაში გავაყოლე. ტრიბუნაზე დაბრუნებულმა კი შევნიშნე, რომ შერი უზომოდ ბევრ ლუდს სვამდა და თან ძალიან სწრაფად. მერე ის ჩემთან და ჩემს ქალიშვილთან მოვიდა, პირში ორი თითი ჩაიყო და რაც მანამდე მუცელში ჩაისხა, ჩვენ გადაგვავლო. გაოგნებული დავრჩი და რა თქმა უნდა, ისიც დავაპატიმრე,“ – განაცხადა კაპიტანმა.

რაც შეეხება მეგობრისთვის გულარეულ შერის, მას პოლიციაში ერთი დღე გაატარებინეს. მერე კი, თავდების სახით, ათი ათასი დოლარი გადაახდევინეს და გაუშვეს.