კოლუმბიელი შაკირა ხომ გახსოვთ? ეს ის ქალია, ყველა კონცერტზე ნახევრად შიშველი გავის ქნევით რომ გამოდის. ერთადერთი ქალაქი, სადაც მან ჩაცმულმა იმღერა, თბილისია და ამბობენ, იმიტომ არ გაიხადა, რიყეზე ძალიან ციოდაო. არადა, ნახევარი თბილისი რიყეზე შიშველი შაკირას სანახავად მივიდა, თორემ მარო ყარაულაშვილივით ჩაცმულ-დახურულები არც ჩვენ გვაკლია.

მოკლედ, ეს ჩვენი თუ კოლუმბიელების შაკირა, მსოფლიო ჩემპიონატზე ერთ-ერთი მთავარი მოქმედი პირი იქნება. მისი სიმღერა, „აფრიკის დროა“, მსოფლიო ჩემპიონატის ოფიციალურ ჰიმნად იქნა არჩეული და შაკირა მას ჯერ 10 ივნისს შეასრულებს გახსნის ცერემონიალზე, მერე კი, 11 ივლისს – ფინალური მატჩის წინ.

სხვათა შორის, ეს პირველი შემთხვევა არ არის, როცა შაკუნა (მოფერებით ასე ვეძახით) მუნდიალზე ამღერდება. მსოფლიოს წინა ჩემპიონატზე ფინალის წინ სწორედ მისი ხმა მოვისმინეთ.