იტალიური „მილანის“ ფორვარდი ფილიპო ინძაგი სამშობლოში ერთ-ერთ ყველაზე დიდ მექალთანედ არის ცნობილი და ისიც მაქსიმალურად ცდილობს, საპატიო ტიტული არ დათმოს. გასულ კვირას, პიპო ახალ ქალთან ერთად გამოჩნდა, თუმცა, მთელი იტალია ირწმუნება, ეს გოგო ინძაგის არა რამდენიმე თვით, არამედ სამუდამოდ სჭირდება და მასზე ყურებამდეა შეყვარებულიო. საუბარი 21 წლის შვედ მოდელზე, კამილა სობერგზეა, რომელმაც ბინა მილანში დაიდო და ინძაგიც მაშინ გაიცნო, როცა ღამის ბარში სხვა მოდელებთან ერთად შეეხეტა.

„მართალია, პიპოზე 15 წლით უმცროსი ვარ, მაგრამ ამას ვერ ვგრძნობ. ის დიდი ბავშვივით იქცევა და ძალიან საყვარელია. ცხოვრების დარჩენილ წლებს მასთან სიამოვნებით გავატარებდი“, – ამბობს კამილა, თუმცა, იმედია, ახსოვს, რომ ამ „დიდმა ბავშვმა“ რამდენიმე „დეიდა“ უკვე გააბრაზა და მიატოვა.