არსებობს ასეთი გამონათქვამი: თმა კბილები არ არისო, მოიჭრი – ისევ ამოვა. თმა იზრდება წლის განმავლობაში, ცხადია, ზაფხულში უფრო სწრაფად, ვიდრე ზამთარში, მაგრამ არსებობს მრავალი ფაქტორი, რომელიც ნეგატიურად მოქმედებს თმაზე: სტრესები, ავადმყოფობა, სიცივე, მცხუნვარე მზე, ჰორმონალური დარღვევები, არასწორი კვება. ამიტომ, თმას უნდა გავუფრთხილდეთ ისევე, როგორც ნაზ აბრეშუმს და მას განსაკუთრებული ყურადღება უნდა მივაქციოთ.

გთავაზობთ თმის მოვლის რამდენიმე აუცილებელ წესს:

1. არ დაიბანოთ თავი ცივი ან ძალიან ცხელი წყლით;

2. თვეში ერთხელ, ნახევარი სანტიმეტრით მაინც მოიჭერით, რომ დაიზღვიოთ თავი ბოლოების გაყოფისგან;

3. კვირაში ერთხელ გაიკეთეთ ნიღაბი: თმის ძირებში შეიზილეთ აბუსალათინის ზეთი, კვერცხის გული, A, D და E ვიტამინები (ერთად ან ცალ-ცალკე); ასევე მაიონეზი, ხილის რბილობი, მაწონი და სხვა;

4. ნიღბის შემდეგ თმა არ ჩამოიბანოთ შამპუნით. უმჯობესია, გამოიყენოთ კვერცხის გული და გადაივლოთ ძმარი;

5. შეეცადეთ, არ გაიშროთ თმა ფენით;

6. მოერიდეთ სიცივეში ან სიცხეში თავსაბურავის გარეშე გასვლას;

7. თავი დაიბანეთ ანადუღარი წყლით და გადაივლეთ ძმარი ან ინიანი წყალი;

8. მოერიდეთ თმის ხშირად შეღებვას, დახვევას და გასწორებას. უკიდურეს შემთხვევაში, ზუსტად დაიცავით საღებავის ანოტაციაში მითითებული პირობები;

9. თმა დაივარცხნეთ ძალიან ნელა, ფრთხილად;

10. იქონიეთ საკუთარი ჯაგრისი-სავარცხელი, რომელსაც კბილების დაბოლოება მომრგვალებული ექნება;

11. კვირაში ორჯერ, რბილი სავარცხლით გაიკეთეთ მსუბუქი მასაჟი;

12. ინსტრუქციის თანახმად გამოიყენეთ დერმაკოსმეტიკური საშუალებები;

13. დაბანის წინ თმა აუცილებლად ჩამოივარცხნეთ;

14. შენაღები თმა დაიბანეთ მხოლოდ სპეციალური შამპუნით, რომელსაც აწერია: „შეღებილი თმისთვის“;

15. არ გამოიყენოთ „შემთხვევითი“ საშუალებები;

16. კვირაში ორჯერ თმის ძირებში შეიზილეთ მუხის ქერქის, გვირილის, ჭინჭრისა და სხვა მცენარეების ნაყენები (მონაცვლეობით);

17. ფენით ლოკონების გაკეთების შემთხვევაში, წინასწარ შეიშრეთ თმა და წაისვით თმის დასახვევად განკუთვნილი საშუალება;

18. არასოდეს დაივარცხნოთ თმა მთელ სიგრძეზე, არც სავარცხლით და არც ჯაგრისით – ეს ადვილად გააცხიმიანებს;

19. არასდროს დაწვეთ დასაძინებლად სველი თმით.