“პირველი არხი„ ახალ პროექტს იწყებს
სამი მაისიდან ოცდარვა მაისამდე „პირველ არხზე“, ქართული ცეკვის პოპულარიზაციის მიზნით, დილის ეთერში ახალი პროექტი იწყება. „ჩვენს დილაში“ ახალგაზრდა წყვილები ერთმანეთს ქართულ ცეკვაში შეეჯიბრებიან. უკვე შერჩეულია ოთხი ხუთეული, სულ 20 წყვილი. წყვილების ცეკვას აფასებს ჟიური – ცნობილი მოცეკვავეები და ქორეოგრაფები: იამზე დოლაბერიძე, ფრიდონ სულაბერიძე, ომარ მხეიძე. გამარჯვებულს მაყურებელი ინტერაქტივით ავლენს. 4 ივნისს კი, ფინალში გამარჯვებულს ჟიური გამოავლენს. პროექტს ჟურნალისტი ნათია წულაძე და ცნობილი მოცეკვავე, ფოტოხელოვანი და ჟურნალისტი თენგიზ უთმელიძე უძღვებიან.