„ვარსკვლავების აკადემიის“ მონაწილემ ბექა ბროლაძემ ახალ და ძალიან საინტერესო სიმღერაზე – „მომეცი შანსი“ კლიპი გადაიღო. სიმღერა პოპდენსის სტილშია შესრულებული, მაგრამ ამავდროულად, საკმაოდ მელოდიური და ცოტა სევდიანიცაა. მუსიკის ავტორია მაიკო კაჭკაჭიშვილი, ხოლო ტექსტი ქეთი ორჯონიკიძეს ეკუთვნის. კლიპი, რომლის რეჟისორები გიორგი ალთუნიშვილი და ბესო კვარაცხელია არიან, კლუბ „მიქსში“, მწვანე ფონზეა გადაღებული. კლიპში მონაწილეობს ჯგუფი „ნექსთ ლეველ“, რომელიც პროექტ „ნიჭიერის“ ფინალისტია. ამჟამად, ძალიან ფერადი კლიპის, როგორც მას თავად მომღერალმა უწოდა, მონტაჟი მიმდინარეობს და ფართო მაყურებლის წინაშე გრანდიოზული პრეზენტაციით წარდგება.