დედოფალი მარგო
მართალია, მსოფლიოს არაერთ ქვეყანაში ქალთა ფეხბურთი ძალიან გავრცელებული და დაფასებული სპორტის სახეობაა, მაგრამ, ბოლო წლებია, მასში სექსუალური იმიჯის მქონე ქალები აშკარად არ ჩანან. არადა, ასეთი ქალის გამოჩენა როგორც უშუალოდ ქალთა ფეხბურთს, ისე სარეკლამო ფირმებსაც, ძალიან წაადგებოდათ. ქალთა ფეხბურთის დღევანდელი ვარსკვლავები გერმანელი ბირგიტ პრინცი და ბრაზილიელი მარტა არიან, მაგრამ, სექსუალურ იმიჯს ვინ ჩივის, ორივეს კარგად თუ არ დააკვირდით, შესაძლოა, კაცები გეგონოთ.
ჰოდა, ახლა ამბობენ, ამერიკაში ფეხბურთის ახალი დედოფალი, მარგო მაკოლი დაიბადაო. პრინციპში, რაღა დაიბადა, მარგო სკოლის გოგონათა გუნდის კაპიტანი იყო, ახლა კი ფლორიდის უნივერსიტეტის სტუდენტი გახდა და იქაური სკოლის საფეხბურთო ნაკრების კაპიტნადაც აირჩიეს. მარგო თამამ ფოტოსესიებში მონაწილეობას აპირებს და სურს, დაამტკიცოს, რომ ფეხბურთელ ქალებს ულამაზესი სხეული აქვთ.