ტანსაცმელი „ჯორდანისგან“
ბრიტანელი მოდელი, ქეით პრაისი, ან, უბრალოდ – ჯორდანი, საზოგადოებას ახალი იდეებით წარუდგა. მან გადაწყვიტა, საკუთარი გემოვნებით შეკერილი ბავშვების ტანისამოსის წარმოება დაიწყოს და ახალი კოლექციის რეკლამირებას საკუთარი შვილების მეშვეობით აპირებს. შვილი კი ჯორდანს სამი ჰყავს და სამივე სხვადასხვა კაცისგან. მამათაგან ყველაზე ცნობილი „მანჩესტერ იუნაითედის“ ყოფილი ვარსკვლავი, დუაიტ იორკია. ტრინიდადსა და ტობაგოში დაბადებული ფეხბურთელი სათამაშოდ ინგლისში ჩავიდა და „მანჩესტერის“ ერთ-ერთი ყველაზე კაშკაშა ვარსკვლავიც გახდა, როცა ჯორდანი გაიცნო, მასთან რომანი გააბა, მერე შვილიც ეყოლა და, ეს ყველაფერი ქალისთვის 2 მილიონის გადახდითა და ალიმენტის დანიშვნით დასრულდა. მეორე ალიმენტის გადამხდელი – ერთ-ერთი ბრიტანელი მომღერალია, მესამე კი – ბრიტანელი მოკრივე.
არ გეგონოთ, რომ ჯორდანი მხოლოდ ამით შემოიფარგლა. მას შემდეგ, რაც იგი იორკს დაშორდა, მის ჯინაზე ლოგინში ლამის მთელი „მანჩესტერის“ შემადგენლობა ჩაიწვინა, მაგრამ, იმ დროისთვის დუაიტი გუნდიდან წასული იყო და, ამიტომ, დიდად არ უნაღვლია.