ანეგდოტები
***
ტიპმა ფული იშოვა. ცხოვრებით კმაყოფილია‚ მაგრამ ღამეები არ სძინავს. მივიდა ფსიქოთერაპევტთან:
– ექიმო‚ მიშველეთ!
– აბა‚ მიამბე‚ რაშია საქმე?
– ყოველღამე‚ დავიძინებ თუ არა‚ მესიზმრება‚ რომ დოლარებს ვითვლი: 1‚ 2‚ 3... 98‚ 99‚ მეასე კი აღარ არის. მერე თვლას ისევ თავიდან ვიწყებ, მეასე კუპიურას კი ვერა და ვერ ვხედავ‚ გაწამებული‚ ოფლში გაწურული ვიღვიძებ‚ გული ამოვარდნაზე მაქვს და ასე ვათენებ.
– იცი‚ რა, მოდი‚ ეცადე და სიზმარში ფულის ნაცვლად ცხვრები დათვალე‚ მეასე თუ არ იქნება‚ არც ინაღვლებ – ცხვრები ხომ არ გყავს.
გავიდა ერთი კვირა და ფსიქოთერაპევტს ისევ მოაკითხა კაცმა‚ სიტყვებს ძლივს უყრის თავს.
– დამშვიდდი და ისე მომიყევი‚ – უთხრა ექიმმა.
– როგორც თქვენ მირჩიეთ‚ ექიმო‚ დავიწყე ცხვრების თვლა: 1...99‚ 100. გამიხარდა‚ მაგრამ ამ მეასემ თავი მაღლა ასწია და მეუბნება:
– რა გიხარია‚ მეასე ცხვარი ვარ‚ კუპიურა კი არაო.
***
პატარა‚ ფეხმოტეხილი კუ ხეზე რის ვაივაგლახით ავიდა‚ ძლივს გაბობღდა ტოტზე‚ თათები ბაკნიდან გამოყო‚ გაშალა‚ დაიქნია და გადმოხტა. ბაკანი გაებზარა‚ მაგრამ მაინც ისევ წავიდა ხისკენ და აბობღება დაიწყო.
– მგონი‚ დროა‚ ბავშვს გავუმხილოთ‚ რომ აყვანილი გვყავს‚ – გადაულაპარაკა ხის ტოტზე მჯდარმა ერთმა ჩიტმა მეორეს.
***
სიძე ეუბნება სიდედრს:
– დედა‚ ნუ მანერვიულებ‚ შხაპის შემდეგ ისევ აივანზე რატომ გახვედი? შეგცივდება‚ ავად გახდები‚ იმედი მომეცემა და‚ როგორც ყოველთვის‚ მაინც გამოჯანმრთელდები.
***
ნაცნობები შეხვდნენ ერთმანეთს:
– აბა‚ როგორ ხარ?
– ძალიან ვნერვიულობ‚ იმდენი პრობლემა მაქვს‚ სიამაყეც დავკარგე...
– გაიხადე‚ აბა‚ ვნახოთ!
***
რაჭველი ოქროს თევზს პირველ სურვილს ეუბნება‚ მაგრამ, ვერ მოასწრო – თევზი გამოშრა.