ბავშვთა სახლის აღსაზრდელებმა “ისი პარის„ დაბადების დღე ორიგინალურად მიულოცეს
გასულ კვირას „ისი პარის“ თანამშრომლებმა საკუთარი დაბადების დღის აღნიშვნა გლდანის მოზრდილთა და ბავშვთა სოციალური ადაპტაციის ცენტრში გადაწყვიტეს. როგორც ვიცით, ამ სურნელოვან კომპანიას უკვე 15 წელი შეუსრულდა. ბავშვებმა მათ წარმომადგენლებს თავიანთ ცენტრში, სადაც ისინი იზრდებიან, პედაგოგების დახმარებით, ულამაზესი საღამო მოუწყვეს. „ისი პარიც“ არ მისულა მათთან ხელცარიელი: პატარებს სუფრა გაუშალეს, საჩუქრები დაურიგეს, ცენტრს დიდი ფერადი ტელევიზორი გადასცეს, პედაგოგებს კი – პარფიუმერია.
როგორც ხატია შამუგიამ გვითხრა, ეს დღე მისთვის განსაკუთრებულად ამაღელვებელი აღმოჩნდა, რადგან, ნამდვილად არ ეგონა, თუ პატარებს მათთვის ასეთი სასიამოვნო სიურპრიზი ჰქონდათ მომზადებული.
ასე რომ, „ისი პარიმ“ თავისი დაბადების დღე პატარებთან და მათ აღმზრდელებთან ერთად აღნიშნა. სადილის შემდეგ კი ულამაზესი, ფოიერვერკებით მოკაშკაშე ტორტიც შემოიტანეს.
როგორც აღმოჩნდა, „ისი პარი“ არც საკუთარ დაბადების დღეზე ივიწყებს თავის ერთგულ მომხმარებლებს, არც პატარებს ტოვებს ყურადღების გარეშე და არც საჩუქრების ჩამორიგება და სხვების გახარება ავიწყდება.