წინაპრების მიერ გადმოცემულ წეს-ჩვეულებებსა თუ მისტიკურ ნიშნებში დიდი ეზოთერული სიბრძნე და ცოდნაა ჩადებული. როგორც ჩანს, ისინი ამ საქმეში მეტად განსწავლულები იყვნენ. თავადაც მშვენივრად იყენებდნენ ამას და წარმატებებსა თუ ბედნიერებასაც ასეთი წესით, შედარებით მარტივად აღწევდნენ. როგორც ისინი ამბობდნენ, ადამიანმა საკუთარი იღბალი თავად უნდა მართოს. ჩვენი დღევანდელი რუბრიკის სტუმარი, ქალბატონი მანანა, ამ საკითხ­ით უკვე დიდი ხანია დაინტერესებულია. იკვლევს წინაპართა მისტიკურ და ეზოთერულ ჩანაწერებს და სულ მალე ამ ჩანაწერების წიგნად გამოცემასაც აპირებს, რომლის წაკითხ­ვის შემდეგ, ალბათ, ბევრ ჩვენგანს შეეცვლება წარმოდგენა მისტიკაზე, ბევრ გაუცემელ კითხ­ვაზე მივიღებთ პასუხს და ბევრი ისეთი რამის გარკვევასაც შევძლებთ, რომელზეც საზოგადოებაში ღიად არ საუბრობენ.


მანანა: მისტიკური ნიშნები და ზოგი წეს-ჩვეულებები წინაპრებისგან შემონახ­ული დაკვირვებებია და მათი ერთი ხელის მოსმით უარყოფა, ვფიქრობ, არასწორია. პირადად მე, ასეთ მინიშნებებს თუ მისტიკურ წესებს დიდი ხანია, ვიკვლევ, ვიწერ, ვაგროვებ და მინდა, სულ მალე ყველაფერი ეს ერთ დიდ წიგნად გამოვცე. წიგნში დასაბუთებული იქნება ისეთი ფაქტები, რომელზეც პასუხ­ის გაცემა ბევრ ჩვენგანს უჭ­ირს, ერთი უბრალო მიზეზის გამო, კერძოდ, არ ვფლობთ მასზე შესაბამის და სწორ ინფორმაციას. მართალია, ზოგი მინიშნება თუ წესი შესაძლოა, არარეალურად და სულელურადაც კი მოგეჩვენოთ, მაგრამ მათში ისეთი სიმართლის მარცვალია ჩადებული, რომლის დათესვის შემდეგ, მალევე მოიმკით შედეგს. როგორც გითხ­არით, არსებობს ძველი წეს-ჩვეულებები, რომელთა გათვალისწინებაც შესაძლო უბედურებებს აგაცილებთ თავიდან. ასეთი წეს-ჩვეულებები ძალიან ბევრია და მე ისინი, როგორც გითხ­არით, ჩაწერილი მაქვს.

– შეგიძლიათ, ჩვენც გაგვანდოთ?

– რასაკვირველია, ყველას ვერ გეტყვით, უბრალო მიზეზის გამო, ამისთვის, მთელი ჟურნალი არ იქნება საკმარისი, მაგრამ რამდენიმეს კი გაგანდობთ. მაგალითად, ბევრმა არ იცის, რომ არ შეიძლება, ნიშნობის ბეჭ­დის განათხ­ოვრება, გაჩუქება ან გადადნობა. ამას შესაძლოა, განქორწინება ან ღალატი მოჰ­ყვეს. ასევე, არ შეიძლება დანის და საპნის ხელიდან ხელში მიცემა, რადგან ჩხუბი გარდაუვალია მიმცემსა და გამომრთმევს შორის. ასევე, არ ვარგა – ნაგვის ღამით სახ­ლიდან გატანა, მზის ჩასვლის შემდეგ სახ­ლის გამოხ­ვეტა, თუ ძმა გყავს ორშაბას ფრჩხილების დაჭ­რა და ხუთშაბათს – ბანაობა, რომ მის ჯანმრთელობას არ შეუქმნათ საფრთხე... ერთ ფაქტს მოგიყვებით. ჩემი ბავშვობის მეგობარი რომ გათხ­ოვდა, დედამთილმა ოქროს სამგრამიანი ბეჭ­ედი აჩუქა. მე კი, როგორც მეჯ­ვარემ, ხუთგრამიანი ბეჭ­ედი ვუსახ­სოვრე. ძალიან მოსიყვარულე და ლამაზი წყვილი იყვნენ. ერთ დღესაც მესტუმრა და მითხ­რა, მინდა დედამთილისა და შენი ნაჩუქარი ბეჭ­დები გადავადნო და ერთი დიდი, მასიური ბეჭ­ედი გავაკეთებინო ოქრომჭ­ედელს და ხომ არ გეწყინებაო. ვუთხ­არი, მე არ მეწყინება, მაგრამ, გამიგია, არ ვარგა ქორწილში მორთმეული სამკაულების გადადნობა, გაჩუქება ან თხოვება-მეთქი. გაეცინა, მითხ­რა, შენ ბავშვობიდან ასეთი ცრუმორწმუნე იყავი, მე ასეთი რამეების არ მჯერა, საყვარელოო. ისეთი ტონით მითხ­რა, მივხ­ვდი ახ­სნას აზრი არ ჰქონდა და გავჩუმდი. თან, ცოტა უცნაური გოგოა, ვინმე რამეს რომ ურჩევდა, ის მაინც თავის ჭკუაზე იმოქმედებდა და წააგებდა. მერე კი გაბრაზებით ამბობდა, იმან გამთვალა თავისი ჭკუის დარიგებითო. ჰოდა, მეც ვიფიქრე, მერე არ მითხ­რას, შენ გამთვალეო და გავჩუმდი. ხომ გაგიგონიათ, საცა არა ჯობს, გაცლა ჯობსო (იცინის). მოკლედ, არ დამიჯ­ერა, გადაადნო ბეჭ­დები, გაიკეთა ერთი დიდი ბეჭ­ედი და სულ ატარებდა. ერთი წელიც კი არ გასულა, რომ მეუღლემ მიატოვა და სხვა ქალთან გადავიდა საცხ­ოვრებლად, ეს ჩემი მეგობარი კი დედამისს დაუტოვა სახ­ლში. ისიც როდემდე იცხ­ოვრებდა დედამთილთან? აიკრა ბარგი-ბარხ­ანა და დედ-მამის სახ­ლში წავიდა. ბავშვი არ ჰყავდათ. მის ქმარს იმ გოგოსთან ბიჭი შეეძინა. ამაზე სულ გადაირია ჩემი მეგობარი, დღესაც კი დეპრესიაშია. თხუთმეტი წელი გავიდა მას შემდეგ და დღემდე მსაყვედურობს, როგორ დამრთე ნება, ქორწილში ნაჩუქარი ბეჭ­დები გადამედნოო. სამწუხ­აროდ, ასე მოხ­და და ამას ვეღარავინ შეცვლის.

– ქალბატონო მანანა, გამიგია ასაკოვანი ადამიანებისგან, რომ ზოგიერთ ქოთნის ყვავილს განსაკუთრებული თვისებები გააჩნია და თუ მას ადამიანი კარგად მოუვლის და დააკვირდება, ისიც ადეკვატურად პასუხ­ობსო. ეს მართლაც ასეა?

– მართალია, ქოთნის მცენარები, რომელსაც ადამიანები ბინაში უვლიან, განსაკუთრებულ თვისებებს იჩენს. მაგალითად, ისეთ ბინაში, სადაც ოჯ­ახ­ური სიმშვიდე და სიმყუდროვე არ არის, ვერ ხარობს ქოთნის ია. ბარაქის ხე ჩვენს ფინანსებზე ახ­დენს გავლენას. ამიტომ, თუ მას სიყვარულით და სითბოთი მოუვლით, მოგცემთ მინიშნებას, როდის გექნებათ ფულის მოზიდვის მეტი შანსი. ამას კი მაშინ მიგანიშნებთ, როცა მცენარის ფოთლები მკვრივია. მისი ფოთლები თუ მოეშვა და მომჩვარდა, ესე იგი, ფულის ხარჯ­ვის დროს მაქსიმალური სიფრთხ­ილე გმართებთ, დიდი შანსია, ფინანსების შემოდინება სახ­ლში შენელდეს. თუ ბარაქის ხეს ფოთოლი დასცვივდა, არ გადაყაროთ სანაგვე ყუთში. აიღეთ მიწიდან, გაახ­ვიეთ ქაღალდში და ჩაიდეთ სამუშაო მაგიდის უჯ­რაში. ის ხელს შეუწყობს თქვენს ნაყოფიერ კარიერულ და შემოქმედებით მუშაობას. ასე რომ, შეიძინეთ ქოთნის ბარაქის ხე და დადგით ის თქვენს ბინაში, მოუარეთ, დააკვირდით და თავადვე მიხ­ვდით, რა გელით ფინანსების მხრივ – როდის დგება თქვენთვის სასიკეთო პერიოდი და როდის ჯობია ფულის დაზოგვა. სხვათა შორის, მინდა, აქვე გითხ­რათ, რომ ყველას ბინაში არის ადგილი, რომელიც სწორედ ფინანსებზეა ორიენტირებული და პასუხ­ისმგებელი.

– როგორ მივხ­ვდეთ, სად არის ასეთი ადგილები ჩვენს ბინაში?

– ასეთი ადგილები, იმ ჩანაწერებიდან მაქვს ამოწერილი, რომელიც ერთ-ერთმა ასაკოვანმა ადამიანმა მათხ­ოვა. მას კარგად ჰქონდა გააზრებული ეზოთერული საკითხ­ების ცოდნა და პრაქტიკულ მაგიაშიც საკმაოდ საგულისხმო ინფორმაციას ფლობდა. მაგალითად, ფინანსებზე პასუხ­ისმგებელი ადგილები ჩვენს ბინაში შემოსასვლელი კარიდან მარცხ­ენა კუთხეშია, დიასახ­ლისმა ეს კუთხე განსაკუთრებით უნდა მოაწესრიგოს და მოაწყოს, თუ სურს, რომ ოჯ­ახ­ში სიმშვიდე, გაგება, სიმდიდრე და ბედნიერება იყოს. სასურველი არ არის ამ ადგილას ქურთუკების კარადის დადგმა, ფეხ­საცმელების დაწყობა, საწვიმარი ქოლგის აყუდება-დაკიდება, ამა თუ იმ ნივთებისთვის ყუთის დადგმა... შესასვლელი კარის მარცხ­ენა კუთხ­ეში სასურველია, დადგათ ცოცხ­ალი, დეკორატიული, ჯუჯა ხეების ქოთნები. ის ამ სახ­ლში მცხოვრებ ადამიანებს ენერგიით და სიყვარულით აავსებს, ხელს უწყობს ფულის შემოდინებას და აფერხ­ებს ბოროტი ადამიანების ზემოქმედებას მათზე. თუ ბიზნესმენი, საქმიანი, აქტიური და დამოუკიდებელი ადამიანი ხართ, გირჩევთ თქვენს საცხ­ოვრებელ ბინაში ჯუჯა მცენარეებისთვის გამონახ­ოთ ადგილი. ასევე, თუ საკუთარი სახ­ლი გაქვთ, ძალიან კარგია – ეზოში დარგოთ ბროწეულის ხე. ის რომანტიკულობის, სიყვარულის უნარს აღვივებს, მზის ენერგიით აგავსებთ, დაგეხ­მარებათ ცხოვრებისეული პრობლემების ადვილად დაძლევაში, უსიამოვნებებს თავიდან აგარიდებთ, დეპრესიას და შიშებს ებრძვის. მისი დანახ­ვისას, ადამიანი, უბრალოდ, კარგ ხასიათზე დგება. მაგრამ, სასტიკად გეკრძალებათ ეზოში ნაძვის დარგვა. მას უბედურება მოაქვს იქ მცხოვრებლებისთვის. აფერხ­ებს და ანელებს ადამიანების ენერგიულობას, შრომის უნარს, კარიერულ წინსვლას და ხელს უწყობს დეპრესიას, ცუდ განწყობას. ეზოში დარგული ნაძვი ადამიანისგან ისრუტავს დადებით ენერგიას და ის, ამ მხრივ, ნამდვილი ვამპირია. მაგრამ, ნაძვნარში სეირნობა, რომელიც სახ­ლიდან მოშორებითაა, ადამიანისთვის ძალიან სასიამოვნოა – განტვირთვას და ჯანმრთელობის სტაბილურობას უწყობს ხელს. ეს რჩევები მე არ მომიგონია. როგორც გითხ­არით, ეს სიბრძნე უძველესი დროიდან მოდის და მას თავისი წინაპირობაც აქვს. ალბათ, დამეთანხ­მებით, მარტივი წესების და რჩევების გათვალისწინებით, ჩვენ, უბრალო ადამიანებს, არაფერი გვაკლდება, მათი მხრიდან მიღებული დახ­მარება კი, ყოველ ჩვენგანს, ამ დაძაბულ, დღევანდელ, ყოველდღიურ ცხოვრებაში ნამდვილად გვჭირდება.


скачать dle 11.3