ამერიკის შეერთებული შტატების ჯანმრთელობის დაცვის სისტემის რეფორმამ, რომელიც მომავალი 10 წლის განმავლობაში გადასახ­ადების გადამხ­დელებს 940 მილიარდი დოლარი დაუჯ­დებათ, იმავე პერიოდში შესაძლოა, სახ­ელმწიფო ბიუჯ­ეტის დეფიციტი 138 მილიარდით შეამციროს. ამის თაობაზე ამერიკის კონგრესის საბიუჯ­ეტო სამმართველოს ექსპერტები აცხ­ადებენ – რეფორმის დაწყების შემდეგ, მეორე ათწლეულში ბიუჯ­ეტის დეფიციტი სავარაუდოდ კიდევ 1,2 ტრილიონით შემცირდებაო. მას შემდეგ, რაც ამ დღეებში ჯანდაცვის რეფორმას ამერიკის კონგრესმა დაუჭ­ირა მხარი, პრეზიდენტმა ბარაკ ობამამ ერს მიმართა და მიღებულ გადაწყვეტილებას ამერიკის გამარჯ­ვება უწოდა. ეს ჯანდაცვის ყველაზე მნიშვნელოვანი რეფორმაა 1965 წლის შემდეგ, როცა პენსიონერებისა და ინვალიდებისთვის სპეციალური „სამედიცინო მზრუნველობის“ სისტემა შეიქმნა. უახ­ლოესი წლების განმავლობაში თანხა დამატებით 31 მილიონამდე ამერიკელის დაზღვევისთვის გამოიყოფა, რომლებსაც აქამდე სამედიცინო დაზღვევა არ გააჩნდათ. შეიქმნება კერძო კომპანიების ალტერნატიული სახ­ელმწიფო სადაზღვევო სისტემა. გარდა ამისა, უფრო მკაცრად მოხ­დება დაზღვევის სფეროს რეგულირება. რეფორმის შედეგად ამერიკელთა 95 პროცენტს ექნება დაზღვევა, მაშინ, როცა ამჟამად ასეთი მხოლოდ 83 პროცენტია.




скачать dle 11.3