ბექჰემმა პირდაპირ ეთერში იბანავა
დევიდ ბექჰემი რამდენიმე კვირის წინ ისე დაშავდა, მოედანზე გასვლას ექვსი თვის განმავლობაში ვერ მოახერხებს და მსოფლიოს ჩემპიონატსაც გამოტოვებს. ამის მიუხედავად, ბექზი პოპულარობას არ კარგავს და გასულ კვირას ბრიტანელი კომიკოსის, ჯეიმს კორდენის შოუში მიიღო მონაწილეობა. კორდენის შოუ იმით არის ცნობილი, რომ პოპულარულ სტუმრებს წინასწარ არ ეუბნება, თუ რას უპირებს სტუდიაში და ამას პირდაპირ ეთერში იგებენ.
მოკლედ, ბექჰემი სააბაზანოში შეიყვანეს და უთხრეს, რომ პირდაპირ ეთერში უნდა ებანავა. რა თქმა უნდა, სრულიად შიშველი არ იქნებოდა და ფეხბურთელიც სიხარულით დათანხმდა. ყველაზე საინტერესო კი ის იყო, რომ როცა დევიდი ცხელი წყლით სავსე აბაზანაში ჩახტა, სააბაზანოში თავად კომიკოსი შევიდა და ბექჰემს შეუერთდა. ამბობენ, გადაცემა სახალისო იყოო, მაგრამ რა სახალისო საყურებელი იქნებოდა ორი მამაკაცის ბანაობა, თავად განსაჯეთ.