მილიონერით მეტი
ლონდონის „ჩელსისა“ და ინგლისის ნაკრების ნახევარმცველი ჯო კოული მამა გახდა. მისმა მეუღლემ კარლა ცუკერმა გოგონა გააჩინა და ახლა იმაზე ფიქრობს, როგორ მოახერხოს და შვილი სამხრეთ აფრიკაში მსოფლიოს ჩემპიონატზე წაიყვანოს. როგორც წესი, მუნდიალზე ინგლისის ნაკრების ფეხბურთელების ცოლების „გამოფენა“ მოეწყობა და კარლას არანაირად არ სურს ამ ღონისძიებას დააკლდეს.
პარალელურად, წყვილი იმასაც ფიქრობს, თუ რომელ ჟურნალს მიჰყიდოს ექსკლუზივი საკუთარი პირმშოს პირველი ფოტოს გამოქვეყნებაზე. ამის სანაცვლოდ, „მანჩესტერის“ ფორვარდმა უეინ რუნიმ მილიონი ფუნტი მიიღო. მართალია, კოულს ამხელა თანხას არ გადაუხდიან, მაგრამ მინიმუმ, მეოთხედი მილიონი გარანტირებული აქვს.
„ბოლო დროს ფეხბურთელები საკუთარი შვილების მომავალს საინტერესოდ უზრუნველყოფენ. ისინი შვილებს ანგარიშს უხსნიან და მილიონს დებენ. სანამ პატარა სრულწლოვანი გახდება, მილიონს პროცენტები ემატება და საბოლოოდ სოლიდური თანხა გამოდის. ჩემი შვილის მილიონი უკვე ბანკშია,“ – განაცხადა ჯომ.