სიურპრიზი იტალიურად
მიქაელა კვატროჩოკე იტალიის ამომავალი ვარსკვლავია. 21 წლის გოგონა მსახიობის კარიერას ახლა იწყებს, მაგრამ უკვე ამბობენ, რომ დიდი მომავალი ექნება. მომავლის რა გითხრათ, მაგრამ აწმყო ასეთია – კვატროჩოკე იტალიის ნაკრებისა და ინგლისური „ლივერპულის“ ნახევარმცველს, ალბერტო აკვილანის ჰყვარობს და იფიცება, მასთან ერთად ათი წლის შემდეგ ოჯახს შევქმნიო.
„მე და ალბერტო ერთმანეთის გარეშე დიდხანს ვერ ვძლებთ და ამიტომ, იგი ლივერპულიდან რომში ხშირად დაფრინავს, თუმცა, არასდროს მეუბნება, როდის ჩამოვა და მისი ყოველი ვიზიტი ჩემთვის სიურპრიზია“, – განაცხადა მიქაელამ.
იტალიურმა მედიამ კი მაშინვე „იტალიურ სიურპრიზად“ მონათლული ამბავი გაიხსენა. ლონდონის „ჩელსის“ ფორვარდი დიდიე დროგბა ელიზაბეტ კანალისზე იყო შეყვარებული და ლონდონიდან რომში დაფრინავდა. ერთ დღეს კი რომში „სიურპრიზად“ ჩასულ დიდიეს სიურპრიზი კანალისმაც დაახვედრა – იგი ლოგინში სხვასთან ერთად კოტრიალობდა. თანაც, არა გვგონია, აკვილანიმ ათწლიანი გათვლა გააკეთოს – იგი შარშან 2003 წლის მის იტალიასთან ერთად ჩნდებოდა, მაგრამ მერე მათმა რომანმა ჩაილურის წყალი დალია.