რატომ ვარ მარტო
იმიტომ, რომ არ ცდილობთ, იპოვოთ ცხოვრების თანამგზავრი. დიახ, სწორედ თქვენ უშლით ხელს საკუთარ თავს ბედნიერებაში. მიზეზი ბევრი შეიძლება იყოს. ყველაზე ცუდია, როცა მამაკაცის რომელიმე ტიპს ამოიჩემებთ და ფიქრობთ, სხვა მე არ გამომადგებაო. ჯერ ერთი, თქვენ არ შეიძლება იყოთ დარწმუნებული იმაში, კონკრეტულად როგორი მამაკაცია თქვენი შესაფერისი. იქნებ ის „ტიპაჟი“, რომელიც თქვენ იდეალურად მიგაჩნიათ, არც ისეთი იდეალურია. ბოლოს და ბოლოს, ბედმა თქვენზე უკეთ იცის, ვინ გჭირდებათ თქვენ და თითოეულ ჩვენგანს. სტერეოტიპების ტყვეობაში ყოფნა, ძალიან ხშირად, წამგებიანია. თქვენ შეიძლება ძალიან მოგწონთ მაღალი, ქერა და სერიოზული მამაკაცი, მაგრამ, თუ გვერდით საშუალო ტანის, მხიარულ და შავგვრემან მამაკაცს ხედავთ, რომელიც გულს და ხელს გთავაზობთ, უარი არ უნდა თქვათ, არავითარ შემთხვევაში. ნუ შეზღუდავთ საკუთარ თავს. ნუ დაკომპლექსდებით და ნუ დარჩებით მარტო. მერე რა, თუ ის არ ჰგავს თქვენი ოცნების პრინცს. შეიძლება, ეს გაცილებით უკეთესიც იყოს. პრინცები ხშირად ჭირვეულები არიან. თან, არც თქვენ ხართ პრინცესა. ამიტომ თუ არ გინდათ, გაგაწამოთ შეკითხვამ – რატომ ვარ მარტო? ფართოდ გაუღეთ კარი მას, ვისაც მართლა უყვარხართ.