ლიმა პოდიუმს ემშვიდობება
ბოლო წლების განმავლობაში პირველად მოხდა, რომ ნიუ-იორკში „ვიქტორია სეკრეტის“ მოდის კვირეულმა ადრიანა ლიმას გარეშე ჩაიარა. მოდელი შემოდგომაზე შვილს ელოდება და ამიტომ პოდიუმზე ნარნარს კი არა, დამოუკიდებლად ნაბიჯის გადადგმასაც არ რისკავს. ადრიანა შარშან ცნობილ კალათბურთელს, მარკო იარიჩს გაჰვა ცოლად და ახლა ამბობს, რომ სავარაუდოდ, სამოდელო კარიერის დასრულება მოუწევს.
„28 წლის ვარ, მაგრამ მარკომ მითხრა, რომ ხუთი შვილის მამობა უნდა და მას ამ სურვილს აუცილებლად ავუსრულებ. მეც მინდა, ბევრი შვილი მყავდეს და ახლა მივხვდი, რომ პირველი საქმე კი არა, ოჯახია,“ – განაცხადა ლიმამ.
ისე, კალათბურთის გუნდს ხუთი მოთამაშე სჭირდება და საინტერესოა, რა აქვს ჩაფიქრებული იარიჩს.