რუსი მომღერალი და მოდელი იულია ნაჩალოვა მოსკოვის „ცეესკასა“ და რუსეთის ნაკრების ფეხბურთელის, ევგენი ალდონინის ცოლია. მას შემდეგ, რაც წყვილმა გასულ ზაფხულს იქორწინა, იულიამ თამამ ფოტოსესიებზე უარი თქვა, მაგრამ ქალმა თუ მოინდომა...

გასულ კვირას, მოსკოვის ერთ-ერთ დახურულ კლუბში, ელიტსაღამო შედგა და რადგანაც ვარჯიშის გამო ალდონინი იქ ვერ მივიდა, იულია საზოგადოებას ქმრის გარეშე წარუდგა. სანამ ნაჩალოვა რამდენიმე ჭიქას დალევდა, ყველაფერი კარგად იყო, მერე კი ცეკვა დაიწყო, და იატაკიდან სკამზე გადაინაცვლა, მერე – მაგიდაზე და დამსწრე საზოგადოებისგან შეგულიანებულმა, ტანსაცმელიც შემოიძარცვა – სტრიპტიზი გააჩაღა.

ალბათ, ყველაფერი მარტივად დასრულდებოდა, რომ არა ერთი გაუთვალისწინებელი რამ: ვარჯიშის შემდეგ ალდონინმა შინ წასვლას საღამოზე მისვლა არჩია და რა მდგომარეობაში ჩავარდებოდა, როცა დარბაზში შესული საკუთარ (და არა სხვის) ცოლს მაგიდაზე ასულსა და შიშველს დაინახავდა, თავად განსაჯეთ.

P. S. ნეტავ, იულიამ თუ მოასწრო იმის თქმა, აქედან ყველანი ჩემთან მივდივართო.


скачать dle 11.3