რისი სისქე უყვარს სემიონოვიჩს
ვისაც ანა სემიონოვიჩის ფოტო ერთხელ მაინც უნახავს, სავარაუდოდ ვხვდებით, რასაც გაიფიქრებს. მაგრამ, ნურას უკაცრავად, ანას სულ სხვა სისქე-სიდიდეები იზიდავს. ყოფილი მოციგურავე გამოტყდა, რომ მამაკაცის მიმართ ინტერესს იმის მიხედვით იჩენს, თუ როგორი სისქის საფულე აქვს მას. პრინციპში, ამ შემთხვევაში საფულე პირობითია, რადგან მთელი მსოფლიო ბარათებზეა გადასული. თუმცა, საფულის სისქის დადგენა ბარათითაც შეიძლება.
– მე ვარ ქალი, რომელსაც დღეში საკუთარი თავის მოვლისთვის რამდენიმე ასეული დოლარი სჭირდება. ამიტომ, როცა მამაკაცი ჩემთან ფლირტს დაიწყებს, უნდა იცოდეს, რომ ფული არ უნდა დაითვალოს. მე სწორედ ასეთი კაცები მომწონს და მათთან დროს სიამოვნებით ვატარებ, – განაცხადა სემიონოვიჩმა.
ანას მხოლოდ პლასტიკურ ქირურგებში მილიონ დოლარამდე აქვს დახარჯული და მკერდი რამდენჯერმე აქვს გადიდებული. ეს გასაგებიცაა, რადგან თუ მას სურს, რომ მამაკაცებს დიდი საფულე ჰქონდეთ, თავადაც უნდა გააოცოს რაიმეს სიდიდით.