„თბილისელების“ სამზარეულო
„ბულგარულის კალათა“
საჭირო ინგრედიენტებია: 1 ხახვი, 1 სტაფილო, 20 გრამი მწვანე ხახვი, 1 ან 2 ბადრიჯანი, 2 სადილის კოვზი ზეთი, 200 გრამი მოხარშული ბრინჯი, 2 ცალი წითელი და ორი ცალი ყვითელი ბულგარული წიწაკა, 1 კვერცხი, 200 გრამი რბილი უმარილო ყველი, 1 კონა ნიახური, მწვანე ხახვი მოსართავად, მარილი, შავი პილპილი – გემოვნებით.
ფილო და ნიახური კარგად გარეცხეთ და დაჭერით. ძალიან წვრილად ნუ დაჭრით. ხახვს ჯერ მდუღარე გადაავლეთ და დაჭერით რგოლებად. ბადრიჯანი გათალეთ და წვრილად დაკეპეთ. ბოსტნეული, მწვანე ხახვის გარდა, მოშუშეთ ზეთში 10 წუთი მაინც, თან ურიეთ. ცხელსვე დაუმატეთ ბრინჯი, მწვანე ხახვი და კვერცხი, მარილი, პილპილი – გემოვნებით და აურიეთ კარგად. ბულგარული წიწაკები გადაჭერით შუაში და ამოავსეთ ფარშით. ზემოდან მოაყარეთ დაფხვნილი ყველი, მწვანე ხახვი და გამოაცხვეთ ჰაერღუმელში 15 წუთი.