ადრიანომ ისევ აიწყვიტა
ბრაზილიური „ფლამენგოს“ ფორვარდმა ადრიანომ პარასკევს კლუბის ვარჯიში გამოტოვა. იგი ეროვნული ნაკრების რიგებში იმყოფებოდა და გუნდს რამდენიმე დღის წინ უნდა შეერთებოდა, მაგრამ ვარჯიშზე არ გამოცხადდა.
„ვარჯიშის გაცდენის გამო ყველა ფეხბურთელი ისჯება და გამონაკლისს არც ადრიანოსთვის დავუშვებთ. იგი ორი უახლოესი მატჩის განმავლობაში მოედანზე არ გავა“, – განაცხადა კლუბის ვიცე-პრეზიდენტმა მარკოს ბრაზამ.
ძალიან გვეეჭვება, ორი მატჩით მოკვეთამ ადრიანო დაადარდიანოს. მით უმეტეს, თუ გავითვალისწინებით, რომ იგი ერთი თვეა, იმეორებს, ბრაზილიაში მომწყინდა და კარიერის გაგრძელება ისევ იტალიაში, კერძოდ კი „რომაში“ მსურსო.