ფეხბურთში წესების შეცვლა იგეგმება
მარტის ბოლოს ციურიხში ფიფას მორიგი კონგრესი გაიმართება, რომელზეც სხვა საკითხებთან ერთად, ფეხბურთში გარკვეული წესების შეცვლაზეც იმსჯელებენ. ფიფას წარმომადგენლების აზრით, მაშინ, როცა მსაჯი პენალტს ნიშნავს, ფეხბურთელისთვის წითელი ბარათის ჩვენება მეტისმეტად მკაცრი სასჯელია. ასეთ შემთხვევაში, დასჯილი გუნდი, პრაქტიკულად, წაგებისთვისაა განწირული. შედეგად, დიდი შანსია, ბოლო იმედის ჯარიმისთვის წითელი ბარათის ჩვენება გააუქმონ. ამასთან ერთად, შესაძლებელია, პენალტის შესრულების დროს ფეხბურთელებს გაჩერება აეკრძალოთ, ანუ გამორბენსა და დარტყმას შორის შუალედი აღარ იყოს. მოგეხსენებათ, დღეს ბევრი ფეხბურთელი დარტყმის წინ პაუზას აკეთებს და მეკარის მოძრაობას აკვირდება.
აგრეთვე, ერთ-ერთ მთავარ თემად მოედანზე მსაჯების რაოდენობის გაზრდასაც განიხილავენ.