საინტერესო წინადადება
რუმინეთის პოდიუმზე ერთ-ერთი ყველაზე წარმატებული მოდელი ვინმე ლორეტაა. ეს ქალბატონი ელიტური საღამოების სასურველი სტუმარია და მუდმივად ყურადღების ცენტრში გახლავთ. გასულ კვირას იგი ერთ-ერთ გადაცემაში ჰყავდათ მიწვეული და რაიმე უცნაური ისტორია უნდა მოეყოლა.
„ორი წლის წინ ერთ-ერთ საღამოზე ჩემთან ბუქარესტის „დინამოს“ ფეხბურთელი, კრისტიან პულჰაკი მოვიდა და მკითხა, რას იტყვი, სასტუმროში რომ წავიდეთო. მაშინ მარტო ვიყავი და მისი წინადადება საინტერესოდ მეჩვენა, მაგრამ, სანამ თანხმობას ვეტყოდი, კრისტიანმა დაამატა, მარტო ჩვენ კი არა, ჩემი თანაგუნდელი, გაბრიელ ტორიეც წამოვაო. ამაზე კი მაშინვე უარი განვაცხადე. ასეთი უცნაური წინადადებით ჩემთვის არასდროს მოუმართავთ“, – განაცხადა ლორეტამ.
ამ ამბავში ყველაზე საინტერესო ის არის, რომ ლორეტა ამჟამად გათხოვილია. ხსენებული საღამო, ორი წლის წინ კი არა, შარშან იყო, ანუ, მაშინ, როცა ქალს უკვე ქმარი ჰყავდა და კრისტიან პულჰაკმაც დაადასტურა – ლორეტას ქმარიც იქ იყო, მაგრამ ამისთვის დიდი მნიშვნელობა არ მიმინიჭებიაო.