ნათია მიქაძისა და სანდრო დავითაშვილის სიყვარული მალე ქორწინებით დაგვირგვინდება
„ვარსკვლავების აკადემიის“ ერთ-ერთი გამორჩეული, ძალიან ლამაზი მონაწილე ნათია მიქაძე თეატრალური უნივერსიტეტის სტუდენტია. სწორედ სასწავლებელში იპოვა მან ცხოვრების ყველაზე დიდი სიყვარული, მსახიობი სანდრო დავითაშვილი. ჩვენს ჟურნალში ვწერდით სანდროზე, როგორც ფილმ „ნარინჯისფერი ფორთოხლის“ მონაწილეზე. სანდროს და ნათიას სიყვარული ერთი წლის წინ დაიწყო და როგორც გავიგეთ, ამ ბოლო დროს უკვე დაქორწინებაზეც ფიქრობენ. როგორც ნათია, ისე სანდრო ერთმანეთის მშობლებს, ოჯახის წევრებს იცნობენ და მათი მხრიდან ქორწინებაზე წინააღმდეგობა არ არის. დარწმუნებული ვარ, თბილისში ერთ-ერთი ყველაზე ექსცენტრიკული და ორიგინალური წყვილის ქორწილიც საინტერესო და განსხვავებული იქნება, რომლის გაშუქებასაც, ალბათ, მოვახერხებთ.