მეტოქეობა „ანდერგრაუნდით“
რა არის ეს? წარმოიდგინეთ ასეთი სიტუაცია: ტენდერში უნდა გაიტანოთ საკუთარი პროექტი და გაიმარჯვოთ. დაახლოებით იგივე სიტუაციაა, როცა ერთი მამაკაცის გულის დასაპყრობად ორი ქალი იბრძვის. ნუ იტყვით, რომ ასეთი რამ არ ხდება და მამაკაცი თვითონ აკეთებს არჩევანს. ყველაფერი მხოლოდ თქვენზეა დამოკიდებული, მით უმეტეს, თუ კაცი მშვიდად ელოდება, ვინ გამოვა „ტენდერში“ გამარჯვებული და „სტავკასაც“ მასზე გააკეთებს. თუ ქალების ტემპერამენტი ერთმანეთს ემთხვევა, მაშინ ბრძოლაც უფრო საინტერესო ხდება. მამაკაცი თქვენი „ანდერგრაუნდია“. უნდა დაფიქრდეთ და გადაწყვიტოთ, გიღირთ თუ არა ბრძოლა მისთვის. აუცილებელია, არ დაკარგოთ იუმორის გრძნობა. თუ შეძლებთ, იმეგობრეთ მეტოქესთან, ბუნებრივია, გულითადი მეგობრები ვერ გახდებით, მაგრამ „თავდაუსხმელობის პაქტს“ ორივემ უნდა მოაწეროთ ხელი. რაც მთავარია, შეინარჩუნეთ ღირსება. ისე ნუ იზამთ, რომ მამაკაცმა ორივეს შეგაქციოთ ზურგი. მაგრამ, თუ ბრძოლაში თქვენ დამარცხდით, ან, ატყობთ, რომ საქმეს ასეთი პირი უჩანს, სიტუაციას კაპიტულაციამდე ნუ მიიყვანთ – ნებაყოფლობით და მშვიდად დაიხიეთ უკან, ისე, რომ თქვენს პატივმოყვარეობას არ ავნოთ. რა თქმა უნდა, გული აუცილებლად გეტკინებათ და არც ამ მარცხის გადატანა იქნება თქვენთვის იოლი, მაგრამ ცხოვრება ხომ ამით არ მთავრდება.