ისპანახი სამკურნალო მცენარეა
ისპანახი სამკურნალო მცენარედ მიიჩნევა, რადგან ის საჭმლის მონელების პროცესს აადვილებს. ის შეიცავს 90 პროცენტ წყალს, ნაკლებად კალორიულია, მდიდარია ფიბრებით და ვიტამინებით, კერძოდ, 300 გრამი ისპანახი შეიცავს 8 მილიგრამ პროვიტამინ A-ს და კაროტინს, რაც აუცილებელია უჯრედების დასაცავად. ასევე, შეიცავს 30-40 მილიგრამ ვიტამინ D-ს, რომლის ნაკლებობას განსაკუთრებით ორსული ქალები, ბავშვები და მოხუცები განიცდიან. 100 გრამი ისპანახი დაახლოებით 500 მილიგრამ მჟაუნმჟავას და 80 მილიგრამ შარდმჟავასაც შეიცავს.
მოხარშვამდე ისპანახი გაცილებით მეტ რკინას შეიცავს, ვიდრე მოხარშვის შემდეგ. ამიტომ, გირჩევთ მისი ნორჩი ფოთლებისგან სალათა მოამზადოთ.
ისპანახის წვენი კი კუჭის გამწმენდია. გაატარეთ ისპანახის ფოთლები ხორცსაკეპ მანქანაში, შემდეგ გაწურეთ და დაუმატეთ ცოტაოდენი ლიმონის, ფორთოხლის, მწვანე ვაშლის ან გრეიპფრუტის წვენი.