მე რაღაცა მაქვსო...
კარლოს ტოხა კოლუმბიელი ფეხბურთელია და იგი სამშობლოში მეორე რონალდოდ მონათლეს. როცა ტოხა ევროპაში სათამაშოდ მოდიოდა, ბევრი ამბობდა, გაიბრწყინებს და ნამდვილ რონალდოს არაფრით ჩამოუვარდებაო, მაგრამ, რბილად რომ ვთქვათ, შედარება არასწორი გამოვიდა და კარლოსი ახლა რუმინულ „სტიუაში“ აგორებს ბურთს. მართალია, მან საზოგადოების ყურადღება ბურთით ვერ მიიპყრო, მაგრამ პოპულარობის მოხვეჭა მაინც მოახერხა, რადგან რომანი „ფლეიბოის“ რუმინელ ვარსკვლავთან, ლიდია ბაჰოუსთან გააბა.
„მე არც კი ვიცოდი, რომ ლიდია „ფლეიბოის“ სახე იყო. უბრალოდ, იგი ღამის ბარში გავიცანი, ძალიან მომეწონა და სახლში დავპატიჟე, რაზეც ის დამთანხმდა და ახლა ერთად ვართ. ვიცი, რომ უამრავ მამაკაცს შურს ჩემი, მაგრამ ლიდია მხოლოდ მე მეკუთვნის,“ – განაცხადა ტოხამ.
ლიდიაზე კი მხოლოდ იმის თქმა შეგვიძლია, რომ, ვარსკვლავობის გარდა, იგი ძალზე გულკეთილი ქალბატონი ყოფილა.